تتحدث الفنانة مريم فخر الدين عن كرم واخلاق فريد الأطرش فتقول :
فريد كان لازم يعزمنا علطول حتي لو مش معاه تمن العزومة ، ممكن يعزمنا علي جبنة وفول وطعمية ، المهم لازم يعزمنا ، ده في الايام اللي كان فريد لسة على قد حاله ولما بقى مشهور وغني كان الكرم اكبر ..![قد تكون صورة بالأبيض والأسود لـ شخصين](https://scontent.fcai17-1.fna.fbcdn.net/v/t39.30808-6/367396280_654462563379524_6815610453353877117_n.jpg?stp=dst-jpg_p526x296&_nc_cat=1&cb=99be929b-59f725be&ccb=1-7&_nc_sid=dd63ad&_nc_ohc=IpxFCOnk8fwAX-5-l0Q&_nc_ht=scontent.fcai17-1.fna&oh=00_AfA1vnCCX3Bd6CkrgoRp1NPM1yxbqMGxGpaVvS3rGqu2Vw&oe=64DE1F8B)
![قد تكون صورة بالأبيض والأسود لـ شخصين](https://scontent.fcai17-1.fna.fbcdn.net/v/t39.30808-6/367396280_654462563379524_6815610453353877117_n.jpg?stp=dst-jpg_p526x296&_nc_cat=1&cb=99be929b-59f725be&ccb=1-7&_nc_sid=dd63ad&_nc_ohc=IpxFCOnk8fwAX-5-l0Q&_nc_ht=scontent.fcai17-1.fna&oh=00_AfA1vnCCX3Bd6CkrgoRp1NPM1yxbqMGxGpaVvS3rGqu2Vw&oe=64DE1F8B)
وتستطرد قائلة : مرة عملت عزومة في شقتي وطبعا كان من ضمن المعازيم فريد وانتظرته كتير ، كل شوية أطل من البلكونة ، منتظرة قدومه ، وفعلا جاء فريد ومعه بعض من اصدقائه ، ومازلت منتظراه علي باب الشقة ولكنه لم يأتي ، قلقت عليه لاني شفته دخل العمارة! … نزلت لقيت فريد قاعد مع البواب وحواليه بوابين العماير اللي جنبنا والناس حواليه ، وهو عمال يغني بقاله اكتر من نص ساعة والناس مبسوطين جدا من تواضع وفن فريد ..
ولما انتهى قلتله : انت كل ده قاعد مع البوابين وسايبني منتظراك ؟!
قاللي : بصراحة عم عثمان البواب اول ماشفني قعد يمدح ويمجد فيا وقاللي انا نفسي احضرلك حفلة ، بس ظروفي متسمحش ، رديت وقلتله انا هعملك حفلة مخصوص وقعدت اغني ، ودي من اجمل لحظات عمري يا مريم ، البواب من جمهوري زي ابن الباشا وابن والوزير …