قوليلي يا نوال انت ايه اللي كان عاجبك ف الولد الحلاق ده ؟!
شكري ؟
أيوة
كان فيه حاجة ملقتهاش في حد غيره .. ياريتني ما كنت قابلته….
أنتي مش جعانه ولا ايه ؟
نسيت !
أصلي ملاحظ انك مابتكليش !!
لا أبداً.. . أنا هاكل حالاً
لأ .. مسقعة
أنا أصلي كنت مخلياها للآخر
إيه رأيك في طعمها ؟
جنان .. بس الشطة فيها كتير أوي
إنت بتحب الشطة
لسة فاكرة؟؟ .. غلبتيني يا نوال
لأ إنت اللي غلبتني يا عزت .. في الأول غلبتني وفي الآخر ضيعتني خالص
قصدك إيه ؟!
بعد ما سبتلى ورقة الطلاق مصدقتش نفسي , مصدقتش إني بقيت حرة وإني أقدر أعيش الحياة اللي أنا اختارها , زي ما يكون اتكتب عليا إني هفضل طول العمر أسيرة ليك حتى لما حبيت شكري واتجوزته كنت خايفة منك خايفة منك ولغاية دلوقتي
يااااه هو أنا بخوف للدرجة دي ؟
بعد شكري ما اتقتل عرفت إني ولا حاجة .. لا أنا ولا إنت نستحق نعيش يا عزت
هو الأكل ده فيه حاجة ؟!!
أيوة .. فيه سم
