الدنيا مستويات في كل شئ في الكورة وفي غير الكورة
و في الكورة كل فترة بيجيلنا اللي يصحينا ويضربنا على قفانا
وصلنا كاس العالم للمنتخبات بعد الفوز على أوغندا والكونغوا، ومدحت شلبي لحظة ضربة الجزاء بيقول يلا يا صلاح يلا يا صلاح روحنا كاس العالم اتهزمنا في الثلاث مباريات منهم تلاتة صفر من روسيا اللي مش كبيرة قوي في الكورة فكان قفا كبير فوقنا بس عيبنا اننا بننسىى.
على مستوى الأندية بنتنطط على بعض هنا جوه مصر وندي لنفسنا ألقاب بس أدينا شايفين مستوانا لما بنقابل أندية بجد نحفل على بعض هنا ونشمت في بعض هنا وأنت تعايرني بفاركو وانا أعايرك بسموحة خلينا هنا أحسن على قدنا
ريال مدريد جاي بالفريق الاحتياطي و لاعب ماتش في الدوري الأسباني من يومين وما أجلوش له نص ماتش وجه فاز على الأهلي أربعة غير ضربة جزاء ضايعة فازوا علينا وهم بيتمشوا في الملعب وكنا عاملين زي الداخلية بقيادة علاء عبد العال قدام الأهلي والزمالك.
العرب ظاهرة كلامية واللي سمع المعلقين العرب وهم بيحذقوا كأنهم عاوزبن يدخلوا الحمام وتمجيدهم في الأندية العربية بعد الفوز على أندية مدارس زي أوكلاند سيتي لدرجة ان الجماهير بتصدق وتحلم وبعد كدا تتصدم تعرف يعني ايه عبارة العرب ظاهرة كلامية.
اقرأ أيضاً:-
ماذا قال كولر للاعبين الاهلي بعد مباراة ريال مدريد ورد شادي نحمد
وزارة المالية تبكر صرف مرتبات شهر مارس بمناسبة حلول شهر رمضان