المسألة بكل بساطة أن الجواز بقى شئ مستحيل وسيادتك طبعا سيد العارفين والطريق التانى تكاليفه ميقدرش عليها موظف زى حالاتى …تصور حضرتك شاب زيى عندو 28 سنة ومعندوش اى تجربة من النوع دا !
….زمان كانت المذاكرة و أحلام الشباب بينسونى رغباتى الطبيعية لحد ماتخرجت واتوظفت وبقيت من غير شغل
بقى مخى كله محصور فى الجنس
= حاجة غريبة مع أن شكلك مقبول
_ أيوة يا فندم بس مرفوض موضوعيا عشان كدة قولت اقابل سيادتك يمكن الاقى عندك حل
= فى الحقيقة يا استاذ على دى مأساة وانت مش ضحيتها لوحدك فى آلاف من الشباب زيك
_ طب والحل ايه يا فندم ؟
= دا موضوع كبير ومحتاج تفكير اكبر يعنى ممكن نرفض تقاليد الزواج السخيفة … ممكن نطالب وزارة الإسكان أنها تساهم فى حل المشكلة وممكن …
_ وانا هستنى يا فندم لغاية لما الكون يتصلح حاله !!
= لو قريت فى تاريخ البشرية هتلاقى ان اجيال كتير كانت هى الضحية لغاية مالظروف اتصلحت
ليه متحاولش تدور على قدوة حسنة تساعدك فى ازمتك ؟
_ القدوة اللى قدامى عيلة حلت مشكلتها بالدعارة و اعرف زميل ليا اشتغل حرامى فى اجازة الصيف وقريت فى الجرايد عن واحد اغت*صب واحدة وبعدين قتلها عشان يخفى جريمته
= تقصد الشاب اللى شيخ الأزهر طالب بش*نقه قدام الناس ؟
_ مش فاكر يا فندم بس مش كان أولا أن شيخ الأزهر يلاقى حل للشبان اللى مش قادرين يتجوزوا ؟
= أيوة انا جاى ياسطا إبراهيم .. لامؤاخذة يا استاذ على كان بودى اقعد معاك اكتر من كدة عندى اجتماع مهم فرصة سعيدة
_ كلهم كدابين وعارفين أنهم كدابين وعارفين أن احنا عارفين أنهم كدابين
فيلم الحب فوق هضبة الهرم
