منوعات

لولا سعاد حسني والمخرج صلاح ابو سيف مكناش شوفنا صلاح منصور

لولا سعاد حسني والمخرج صلاح ابو سيف مكناش شوفنا صلاح منصور في دوره الأيقوني العمدة عتمان في فيلم الزوجة التانية واللي قدر بأدائه البارع يسـ رق الكاميرا من أبطال الفيلم ويعلم معانا ونفضل فاكرينه و فاكرين العمدة عتمان لحد دلوقتي..
كان المرشح الأول للدور فريد شوقي وبسبب انشغاله باعمال تانية واعتذاره عن التصوير أكتر من مرة تم استبعاده من المخرج وبعدين تم ترشيح محمود مرسيي و رشدي أباظة للدور ولكن سعاد حسني رفضت وسبب رفضها كان مقنع جدا بصراحة لأنها شافت انه ازاي فاطمة هتلاقي عمدة بمواصفات رشدي أباظة او محمود مرسي وترفض تتجوزه وتفضل متمسكة بأبو العلا..؟ ده غير انه الاتنين دول صعب يقنعوا المشاهد ان شخصيتهم ضعيفة قدام حفيظة مرات العمدة فالمخرج رشح صلاح منصور لأنه كان عمل معاه قبل كدا فيلم بداية ونهاية ولكن المنتج رفض وقال عليه انه يعتبر لسه وجه جديد و لا يصلح لدور مهم زي ده.. بس المخرج أقتنع بوجهة نظر سعاد وصمم على رأيه لانه كان شايف ان الفيلم في الأساس بطولة سعاد حسني و شكري سرحان.. و عشان كدا لولا سعاد حسني وصلاح ابو سيف مكناش شوفنا صلاح منصور في هذا الدور الرائع ولا استمتعنا بادائه.
ويقال انه الفنانة سعاد حسني كانت هي السبب بردو في وجود رشدي أباظة في فيلم أين عقلي؟
لأن هي اللي رشحته ولما اتعرض عليه الدور واعترض علي الأجر والمنتج مقدرش يتحمل أجر سعاد و رشدي فقررت سعاد التنازل عن جزء من أجرها عشان رشدي ياخد كامل أجره واخفاء الأمر عنه.
قد تكون صورة ‏شخصين‏

 

مقالات ذات صلة

زر الذهاب إلى الأعلى