من أغرب القصص اللي ممكن تقراها عن ممثلة اسمها لطيفة نظمي …
تاريخ مبلادها يوم 6 ديسمبر سنة 1898 ولدت لاسرة فقيرة من إحدى قرى دمياط. أبوها كان شغال في الصيد واجره يادوب كان بيكفيهم أكل وشرب
لطيفة ماكملتش تعليم بسبب الفقر . لكنها قدرت انها تعلم نفسها بقراءة المجلات القديمة اللي كانت مكتوبة باللغة الانجليزية . لحد ما قدرت تتعلم الانجليزي باتقان .
لطيفة كانت بتحلم انها تكون فنانة مشهورة لكن ده مكنش هيحصل طول ما هي في قريتها بدمياط . فعشان كده سافرت للقاهرة من وهي صغيرة وعاشت مع خالها الفقير اللي كان عنده عشر أطفال . ولما عاشت معاهم حست بالمعاناة اللي عايشين فيها زي ما كانت عايشة مع ابوها في فقر.
فهنا فقررت انها تساعد مرات خالها في تربية العيال وكمان عشان تعمل بلقمتها.
لطيفة كانت بتحب تقرا المجلات وفي يوم لقيت إعلان للفنان عزيز عيد بيبحث عن فنانات يشتغلوا معاه في مسرحية جديدة ليه .. فقررت لطيفة انها تقدم في المسابقة دي وفعلا نجحت في المسابقة والاختيار وقع عليها . واشتغلت في أول مسرحية… ومن هنا كان طريقها للفن… اشتغلت لطيفة في أكتر من مسرحية لحد ما شافها الفنان الكبير يوسف وهبي واعجب جدا بموهبتها وقرر يضمها في فريقه التمثيلي… عشان يكون من هنا الظهور الابرز للطيفة في عالم الفن… اشتغلت مع الفنان يوسف وهبي في مسرحيات وافلام كتير… واجرها بدأ يعلى اكتر .. واشترت شقة خاصة بيها في عمارة بقلب القاهرة… وقسمت اجرها على تلاته… نص لخالها والنص التاني لابوها وامها في دمياط… والنص التالت ليها…
لطيفة خلاص الحظ لعب معاه . لكن للأسف مكانتش تعرف ان منتظرها مصير مرعب جدا في الشقة اللي اشترتها؟!
لطيفها في يوم كانت رجعه من شغلها الصبح فقابلت واحد بيحاول يفتح شقته. . ومن هنا دار حديث بينهم واتعرفت على عليه وكان طبيب واعجب بيها .. وهي كمان اعجبت بيه. . والاعجاب اتحول لجواز بسرعة.
جوزها الدكتور كان شخص غريب جدا كان طول الليل مش موجود في البيت… ومابيرجعش غير بالنهار… واصلا لطيفة مكانتش مهتمه بده لانها كانت مشعولة جدا في مسيرتها الفنية… لكن لما كانوا يتقبلوا صدفة بالنهار كانت بتساله ليه طول النهار قاعد ف البيت؟ وطول الليل مختفي ؟ فيقولها مشغول في شغلي… واوقات كتير كان بيبات في شغلة… لحد ما اختفى جوزها لاسبوعين كاملين! مرجعش خالص… فقررت لطيفة انها تسأل عنه… بس هتسال عنه فين وهي أصلا ماتعرفلوش مكان شغل؟ سألت في المستشفيات عن اسمه وملقيتش اي حد بأسم جوزها ف ولا مستشفى من مستشفيات القاهرة…
ولما مالقيتش ليه أثر قررت انها تدخل مكتبه اللي كان على طول مقفول ومحدش بيدخله غيره… ولما دخلت وفضلت تدور لقيت درج المكتب مقفول فقررت انها تفتحه… كسرته… ولما اتفتح لقيت اللي مكانش يخطر على بالها ابدا؟ لقيت ورق كتير مكتوب فيه كلام غريب جدا أشبه بالطلاسم السحرية! ولقيت كمان قايمة مكتوب فيها اسماء لستات وعناوين لمحل اقامتهم. . هنا قررت انها تسأل وتدور على الستات دي .. ف كانت الصدمة! كل ما كانت تدور على ست وتوصل لعنوانها تلاقي انها قتلت
لطيفة حرفيا انصدمت ومبقتش عارفه تعمل ايه هي كانت عايشة مع مين
لطيفة حكت لصديقه ليها.. ولما حكت لها قالت لها يلا بينا نروح لشيخ ونشوف ايه حكاية الورق ده. . ولما راحو للشيخ رده كان صادم؟ قالها ان المكتوب في الورق ده طلاسم سحر أسود وطلاسم خطيرة كمان . وكمان قالها إن اللي مكتوب ده طلاسم من عالم الجن .. واللي كاتبها جن قوي وحذرها من التعامل معاه! لأنه هيأذيها ومش هيسبها غير وهي مقتولة وكمان قالها ان النوع ده من الجن بيخاف من حاجتين وهما الليل وصوت الأذان… وعشان كده مكنش بيظهر غير بالنهار ويختفي في الليل .
فهنا لطيفة قالت للشيخ ده ان صاحب الطلاسم ده جوزها اتجوزته من فترة صغيرة ومكنش بيظهر غير بالنهار ويختفي في الليل .. فهنا الشيخ قالها لازم تنفدي بجلدك لأن جوزك جن ومش هيسيبك غير وانتي ميته زي ما شوفتي في الستات اللي مكتوب اسماءهم في القائمة . دول كلهم ستات اتحوزهم وقتلهم .. ومصيرك هيكون زيهم
لطيفة سمعت الكلام ده وراحت على الفنان يوسف وهبي وحكت له كل حاجة. . فاخدها يوسف وهبي وراحوا للشرطة يبلغوا لكن الشرطة ماقدرتش تساعدهم. فلطيفة روحت بيتها واشترت اسطوانات قران كريم وشغلتها في البيت . وفضلت مستنيه مصيرها .. لحد ما في يوم ظهر جوزها الدكتور واكتشف لما ظهر انها فتحت الدورج وكشفته
فهنا هجم عليها عشان يقتلها.. بس لطيفة جريت وشغلت الأذان عشان يحصل لجوزها حالة غريبة من الثبات مقدرش يتحرك .. فهنا استغلت الموقف ده وضربته على دماغه فوقع وهي راحت وكلمت يوسف وهبي .. واللي جه ومعاه البوليس فاتقبض على زوجها عشان يطلع انه مريض نفسي وقاتل متسلسل قتل كتير من الستات وهرب من مستشفى المجانين
لطيفة كانت عايشة مع مجنون وقاتل متسلسل. .. لكن الصدمة بعد فتره من القبض عليه. .. تعبت… ولما كشفت عرفت انها حامل من الدكتور المجنون وطبعا قررت تتخلص من الجنين.. . لكن للاسف ماقدرتش … فمكنش قدامها حل غير انها تسيبه … ولما ولدت الطفل كان طفل مشوه ! ومات على طول … فهنا ربطت أنه أبن جن فحصلها حالة اكتئاب ودخلت مستشفى المجانين وماتت وهي في الاربعينات من عمرها!…
مأساة عاشتها الفنانة لطيفة نظمي اللي كانت موهوبة جدا وكان منتظرها شهرة كبيرة في عالم الفن. .. لكن كل ده محصلش بسبب جوزها اللي محدش يعرف هل كان جن فعلا ولا كان ساحر وقاتل متسلسل؟ ولا كان حد مجنون..