نور الشريف كان بيشرح في أحدي الكورسات التمثيلية دوره في فيلم العار وقال إنه مكنش ماسك الشخصية بتاعه كمال وأنه ظل كده لمده ثلاثه ايام لحد ما افتكر أن شاف حد من الأرياف لابس بدلة جديدة وفي نادي ليلي وكان معجب بالرقاصة،
فكان كل شويه يحرك أيده ورقبته بنفس الشكل اللي استخدمه فيما بعد في الفيلم وفسر نور الشريف الحركة ديه أن البدلة كانت خانقة علي رقبته وايده علي عكس الجلباب الفلاحي اللي من غير ياقة والكمام واسعة فكان بيشعر بالحرية أكثر وقال إنه بسبب تلك اللزمة فاز بجميع الجوائز ساعتها لكن في تفصيلة صغيرة الأستاذ نور الشريف لم يذكرها بس انا خدت بالي منها.
فيلم العار مدته ساعتين ودقيقتين وروقة ماتت بعد مرور ساعة ونص تقريبا من بداية الفيلم ورغم كده كمال راح الملاحات يصبر البضاعة هناك ولو لاحظنا أن كمال كان لابس قميص وبنطلون وهو في الملاحات لحد ما أكتشف جثمـ،ان روقة واللي هيشوف المشاهد اللي بعد اكتشاف الجثة هيلاقي أن كمال ملبسش ولا مرة بدلة أو قميص وبنطلون حتي في المشهد الختامي هتلاقي المعلم فسواني مثلاً لابس قميص وبنطلون لكن كمال الوحيد اللي كان لابس جلباب بلدي والسبب في ده أن كمال بعد ما ماتت روقة كان بيشعر بحزن شديد ومخنوق طول الوقت فمحبش أنه يلبس هدوم زي (القميص والبنطلون) تزيد من خنقته عشان كده لبس الجلباب البلدي في المشهد الختامي رغم أنه نزل الميه فكان اسهله القميص والبنطلون.
أنا جبت صور قبل وبعد وفاة روقة عشان تفهم الفرق.