تداول رواد مواقع التواصل الاجتماعي، مقطع فيديو لحفل زفاف عريس في مدينة طلخا بمحافظة الدقهلية، بحضور مجموعة من نجوم الفن في مقدمتهم تامر حسني ومحمد حماقي ووائل جسار وحمادة هلال وأحمد شيبة ورضا البحراوى، وسط حالة من الجدل، عن تكلفة الحفل.
الفرح الأسطوري بطلخا
وقال الصياد خلال تصريحات تليفزيونية، مساء اليوم الإثنين، إنه لا يفضل الإفصاح عن المبلغ الذي تكفله حفل الزفاف، متابعًا: «مفضلش أقول رقم محدد، بس أكيد اتكلف كتير، لأن مطربين كبار زي تامر حسني ومحمد حماقي ووائل جسار عشان يروحوا خارج القاهرة سعرهم بيكون مختلف».
وأضاف: «الفرح اتكلف كتير أوي مش بس المطربين، من تصميم شكل القاعة وكل التفصيلات كانت غالية، فطبيعي اتكلف كتير أوي».
وأشار عريس طلخا إلى أنه يعيش في أمريكا منذ 18 سنة، ولا زال متمسك بالعادات والتقاليد المصرية ولم تتغير ثقافته بعد معيشتي في أمريكا، متابعًا: «أنا مرتبط جدًا بمصر وعمري ما فكرت أتجوز واحدة من هناك، قلت دايما البنت المصرية هتفضل رقم واحد، عشان يكون في توافق في العلاقة الزوجية».
تكلفة حفل الزفاف بطلخا
أما عن تكاليف حفل الزفاف، أوضح حسام قائلًا: “محسبتش بالظبط بس هو من 10 مليون لـ12 مليون جنيه، ده غير الحنة اللي في البلد”، وحاليًا يقضي العريس شهر العسل مع زوجته في المالديف.
تعليقات كثيرة
فيما كتب أحدهم عبر فيسبوك: “عايز أعرف العريس شغال إيه.. الفرح كان قافل طلخا وحراسه عمري ما شوفتها قبل كدة”.
وقال آخر: “الدنيا مقلوبة على الفرح بتاع طلخا اللي غنى فيه نصف دستة من المطربين وبما إن القاعة جنبي أصلا… فااا أحب أقولكم إن صاحب الفرح غير ديكور القاعة كلها كمان”.
يشار إلى أن حفل الزفاف كان حديث الأوساط المصرية خلال الساعات الماضية، كما انتشرت مقاطع فيديو كثيرة وتداولتها حسابات عبر مواقع التواصل الاجتماعي.
اقرأ أيضًا:-
موعد مباراة الأهلي والمصري البورسعيدى فى الدوري اليوم
تحذير بلاش تتجوز من دولحقيقة منزل الصمود في درنا لم يتأثر أو يتغير لونه من سيول دينيال