تعاقدت الإعلامية الكبيرة اميرة عبد العظيم مع إدارة قناة الشمس علي تقديم برنامج اجتماعي جيد سوف يبث قريبا علي شاشة الشمس الزرقاء تردد12015 عمودي علي النايل سات
من المعروف ان اميرة عبد العظيم بدات حياتها المهنية كمضيفة طيران قبل أن تترك عملها وتعمل في التلفزيون المصري. عملت لفترة في تقديم برامج مثل (البيت بيتك.. وليلتي ) وغيرها في التليفزيون المصري قبل أن تنتقل إلى قناة (مودرن مصر) وتقوم بتقديم برنامج حواري بعنوان (البلد بلدنا). من أعمالها فيلم ظاظا ومسلسل ملح الأرض
وكشفت أميرة عبد العظيم عن حادث تعرضت له كان سببا في اتخاذها القرار والاتجاه إلى التقديم التليفزيوني .وقالت أميرة عبد العظيم ان “النقلة من مضيفة طيران لمذيعة مكنتش مترتبة، لكن دي كانت أمنية والدي الله يرحمه إني اشتغل في التليفزيون لكن محصلش، أول ما اتخرجت كان المتاح إني اشتغل في الطيران وأنا كنت حابه الشغل، لكن بعد سنين طويلة تعبت وكنت حاسه إني عايزة أغير وتابعت أميرة عبد العظيم: “تعرضت لحادث، كنت مسافرة رحلة طويلة لإيطاليا رايح جاي، في اليوم دا قررت أروح بعربيتي، كان المفروض إني بروح بالعربية بتاعة الشغل بس بيبقى فيها ساعتين زيادة، أنا قلت أروح بعربيتي عشان أرجع بسرعة، يشاء القدر وأنا راجعة بالليل الساعة 3 الفجر من المطار، كنت مرهقة جدا عملت حادثة في صلاح سالم كنت أنا اللي سايقة”.نمت وأنا سايقة وطلعت فوق الرصيف كانت حادثة جامدة جدا أثرت على رجلي وعملت عملية كبيرة، في الوقت ده حسيت إن ربنا بيقولي كفاية، كنت قعدت 8 أو 9 سنين مضيفة للطيران، أنا كان ممكن بعد ما عملت العملية إني أكمل بس حسيت أن ربنا بيقولي لأ، فكرت هعمل إيه وافتكرت أمنية والدي إني اشتغل في التليفزيون وبدأت محاولاتي”.لتنجح اميرة في جزب جمهور عريض الي شاشة التلفزيون المصري لتلقب باميرة الاعلام العربي واليوم تبدا خطوة جديدة في طريق الاعلام عبر شاشة قناة الشمس الزرقاء