وقالت منى الشاذلي في تصريحات تليفزيونية: العاطفة دون عقل رشيد لا تصبح عاطفة تصبح عبثا.. وأنا في العموم إنسانة وديعة وقوية من جوا، وبشوف أقوى الناس هما الهاديين مش بالحنجرة والصوت العالي.. وبعمل حذف لأي ذكرى مؤذية وجدانية بالنسبة لي.
وعن الوظيفة التي كانت تتمنى العمل فيها، أضافت منى الشاذلي: كان نفسي أبقى دكتورة أو مدرسة عشان أساعد الناس.. ولما دخلت الجامعة الأمريكية لقيت الأقرب ليا هو الإعلام
وحول زواجها وقصة حبها، أوضحت منى: اتعرفت على جوزي في إيطاليا.. وبقالي 25 متجوزة وأنا وجوزي متناقضين في كل حاجه وهو مش رومانسي.. والناس اللي ما عاشوش قصة حب في حياتهم فاتهم حاجة حلوة أوي، والحب الأول بيكون فيه شغف يكفي العالم بعد كده يدخل الاعتياد.
واستكملت حديثها: الولاد والبنات لازم يتربوا على تحمل المسئولية.. والحب حاجة والحياة الزوجية حاجة تانية هي حياة محتاجة مجهود عاطفي وفكري.
وعن رأيها في الإعلام، اختتمت منى الشاذلي حديثها: بشوف الإعلام غاية ومتعة ورسالة، حتى لو بنقدم حاجة لذيذة.