أكد الفنان أشرف زكي نقيب المهن التمثيلية أن الفنان ياسر جلال يتبرع كثيرًا لصالح أعضاء النقابة لكن يشترط عدم الإفصاح عن هذه التبرعات أو المبالغ التي يقوم بدفعها.
جاء ذلك تعليقًا على تبرع ياسر جلال لصندوق “تحيا مصر” في تصريحات تليفزيونية، قائلًا:”هي الناس مش عارفة الأدوار اللي بنعملها، وفعل الخير مش محتاج إننا نعلن عنه، عاملين جروبات وبنكفل زملائنا المحتاجين، والمرضى، وزملائنا اللي بيرحلوا وأسرهم”.
أوضح نقيب الممثلين إن الفنانين لا يتأخرون عن زملائهم أو وطنهم، متابعًا:”لما بعمل نداء بيتم استجابته بعد دقيقة، وكان في زميل توفاه الله عضو في نقابة تانية، وقسمًا بالله زملائنا الفنانين اتحركوا في 5 دقائق، والمبلغ تم تجميعه، وبنعمل ده لأن ده رد الجميل لبلدنا، وفي الآخر إحنا مصريين، وهنطلق مبادرة رد الجميل”.
وعن تبرعات الفنان ياسر جلال لـ النقابة، وأكثر الناس الذين يتبرعون للنقابة، قال أشرف زكي: أولًا مش في دماغنا نطلع نقول ونعمل تريندات ياسر جلال أكتر واحد بيساهم وبيتبرع لزملائنا في النقابة وبيحلفني إن محدش يعرف، وبقوله سامحني، ولسه هو باعت من أيام قليلة تبرع محترم جدًا لزملاءه المحتاجين في النقابة، وقالي لو قولت ده أقاطعك، وأكتر من مناسبة بلاقي ياسر باعت شيك لحساب النقابة وبيقولي ده أقل حاجة لزملائي في النقابة.
اقرأ أيضًا:
•• من هو «كيفن مكارثي».. رئيس مجلس النواب الأمريكي الجديد