حيث قالت بدرية، خلال الحلقة: “أنا اتربيت في بيت كان الأب فيه بيجي من الشغل يتغدى وينام شوية ويصحى يقعد معانا.. وفي الإجازة يودينا السينما.. وفي الشتا يحطلنا اللحاف على رجلينا ويعمل لنا حاجة سخنة نشربها”.
وأضافت: “الله يرحمه كان أب أتمنى كل أب يخلي ولاده طالعين زيي كده.. بيتوتية وبحب الجو الأسري.. ووجود الأب في البيت بيشيل كتير أوي مسؤولية مع الأم.. وبيطلع العيل سوي نفسيًا.. وده سايب لنا ذكريات جميلة.. وعودت جوزي على كده”.
وتابعت: “قعدة الراجل في البيت بحسابات حلوة.. وبتطلع الولاد عندهم ذكرى جميلة معاهم.. وبابا كان فرفوش وكان جميل.. ولو اتعزم بره في مكان ممكن كان يشتري لينا أكل وهو جاي ويقولنا مينفعش أكل من غيركم”.
وأختتمت حديثها قائلة: “جوزي ساعات بيقول هو أنا ليه ماليش صاحب أنزل أقعد معاه ع القهوة.. فالحمد لله ربنا رزقني بزوج حنين على بناته”.
آخر أعمال الفنانة بدرية طلبة
وتشارك الآن بدرية طلبة ببرنامج ( من غير نفسنة)
و الجدير بالذكر أن الفنانة بدرية طلبة، شاركت في الموسم الرمضاني لعام 2023 بمسلسلي “رمضان كريم ج2″، و”الأجهر”.
“رمضان كريم ج2” بطولة: سيد رجب، وبيومي فؤاد، وصبري فواز، ومحمد لطفي، ونجلاء بدر، وسلوى خطاب، ودينا محسن (ويزو)، وسلوى عثمان، وأحمد صيام، وسلوى محمد علي، وكريم عفيفي، وعمرو عبد العزيز، من تأليف: أحمد عبد الله، وإخراج: سامح عبد العزيز.
بينما “الأجهر” بطولة: عمرو سعد، ودرة، وسيد رجب، وعمرو عبد الجليل، وخالد زكي، وناهد السباعي، وسارة سلامة، من تأليف: ورشة ملوك، وإخراج: ياسر سامي.
اقرأ أيضاً:-
بالصور.. اللحظات الأخيرة في حياة الفنانين
بحضور الشرنوبي وهدى المفتي حفل تخرج كلية آثار جامعة مصر للعلوم والتكنولوجيا