أعلنت الفنانة جوري بكر عن سعادتها بالتعاون مع الفنان أحمد فهيم في مسلسل جعفر العمدة، بطولة الفنان محمد رمضان، الذي يعرض حالياً، كما أشارت إلى أن المخرج محمد سامي، هو سبب شهرتها ونجوميتها.
وقالت جوري بكر خلال تصريحات خاصة: بحمد ربنا إنه شاور عليّ أنا وأحمد فهيم في نفس اللحظة عشان ننجح سوا، وكنت بقوله أنا عايزة أخد بركاتك يا أستاذ أحمد عشان حاسة إننا عاملين دويتو حلو جدًا.
وتابعت: والمشاهد اللي بينا كانت من أهم المشاهد ومينفعش اتلغبط لأن نظراته وإحساسه كانت بتخليني أحس إن لأ أنا مينفعش اتلغبط، ولازم أعمل مشهد حلو، ومش بيخليني اتلغبط ولا بخليه يتلغبطت، وإداني مساحة وسمعني وكان بيقولي أطلع مخارج الكلام إزاي.
واختتمت حديثها، معبرة عن امتنانها للمخرج محمد سامي قائلة: في مشهد كنت مكسوفة شوية فـ جه محمد سامي وقالي انتي هتعمليه كويس وعندك أحسن تعمليه، وهو عموما مش بيسيب حد وبشكره ومهما قولت عنه مش هوفيه حقه لإنه كان سبب ظهوري ونجوميتي.
و قالت جوري إنها بعد نجاح شخصية وداد في مسلسل جعفر العمدة تلقت تعليقات ومكالمات هاتفية تسببت لها في بعض المشاكل الأسرية، حيث قالت: الدعوات دي أذتني، أنا عندي شوية كعبلة ومشاكل في حياتي، وبسبب الغل والحقد والشتايم اللي بتجيلي، وجتلي امبارح مكالمة قذرة، وده عيب.
اقرأ أيضاً:-
أحمد فهيم: حلمي إن كان يبقي عندي كارفان ليا..وبكيت لما محمد رمضان ضربني
حصري سعد الصغير يغنى مع ميادة توفيق في برنامجه “خيمة سعد” ..اليوم