تصدر اسم الفنانة سعاد حسني تريند مواقع التواصل الاجتماعي خلال الساعات القليلة الماضية، وعاد الحديث عن قضية مقتلها من جديد بعد مرور 22 عاماً.
فتح قضية مقتل سعاد حسني من جديد
وقالت نادية يسري صديقة الفنانة سعاد حسني:” بأنها ستكشف عن مفاجآت بشأن قضية سعاد حسني للمرة الأولي.
و أضافت خلال موقع “فيس بوك:” بأنها ستنشر رسائل للفنانة سعاد حسني مكتوبة بخط يدها، وتابعت:”وهي بتعبر عن وجعها وتعبها ونفسيتها ومشاكلها المالية وهجاوب على شوية الأسئلة اللي بتتكرر من 22 سنة.
واختتمت نادية حديثها، قائلة: أنا متأكدة إن ربنا الحق العادل ها يكرمني ويجبلي حقي منهم ومن كل واحد ظلمني وافترى عليا، حسبي الله ونعم الوكيل فيكم، بس خلاص قربت تخلص خالص إن شاء الله.
جانجاه أخت سعاد حسني: محدش يقدر يفتح القضية غيري
وعبرت “جانجاه” شقيقة الفنانة الراحلة سعاد حسني عن انزعاجها من بوست نادية يسري قائلة: “هي بتدور على سبوبة عاوزة تطلع في الشاشات ويدوها قرشين دي واحدة متهمة في قضية قتل، ازاي واحدة متهمة تفتح قضية وتتكلم فيها بالشكل ده أنا بلوم الإعلام والصحفيين اللي بيجروا ورا الكلام ده وهي عاوزة تبقي موجودة في الصورة والناس تتكلم عليها”.
واستكملت “محدش يقدر يفتح القضية دي غيري وهي مافيش أي حاجة في أيديها وأرجوكم ما تدوهاش فرصة تتكلم في الموضوع ده ولا تطلع على الفضائيات وتقول كلام مش حقيقي”.
اقرأ أيضاً:-
الإفتاء تستطلع هلال شهر ذي القعدة بعد غروب شمس الغد الجمعة 29 شوال
بسمة بوسيل تُهنئ تامر حسني رغم انفصالهما
غداً الجمعة تنطلق القمة العربية الـ 32 بمشاركة الرئيس عبد الفتاح السيسي