أعلن طليق الفنانة علا غانم، رجل الأعمال عبد العزيز حسن مداخلة هاتفية في برنامج “خط أحمر” تقديم محمد موسى ويذاع على قناة “الحدث اليوم”.
طليق علا غانم يصرح بتفاصيل انفصاله عن علا غانم
وتحدث طليق الفنانة علا غانم عن التفاصيل الخاصة بانفصاله عن “علا” وعن المؤتمر الصحفي الذي عقد خلال الساعات القليلة الماضية.
وعن إقامة مؤتمر صحفي قال: “السبب اللي خلاني أعمل المؤتمر الصحفي عشان حاجات كتير بتحصل ومش عارفين ازاي بتحصل فاضطرينا اننا نعمل مؤتمر نقول للناس ان في حاجات كتير بتحصل والمحامين مستغربين ازاي الحاجات دي بتحصل ومرة واحدة بتختفي ومش عارف ازاي”.
واستكمل: “لازم ابين للناس ولنفسي القلم اللى انا اخدته بدل ما علا طالعة بتقول للناس كلها أنا عملت فيه وكان بيشتغل عندي وبديله مرتب والكلام ده مكانش عاجبني وحاسس اني اتظلمت في الموضوع ده وبعدين دخلنا في موضوع القضاء”.
طليق علا غانم: أنا جبت لها 3 فيلات
وعن طلاقه منها في الولايات المتحدة الأمريكية قال: “الكلام صحيح والطلاق كان المفروض يبقى في أمريكا وكل ما أمتلكه هناك أو ما تمتلكه هي هناك بينقسم إلى نصين نص ليا ونص ليها وأنا قولت قبل كده اني حاطط 80% من ممتلاكاتي تحت اسمها هي عشان كان عندي مشاكل مع الضرايب في أمريكا”.
وأضاف: “كل اللي كتبته تحت اسمها هي من ورايا حتى لو كتبته بأسمها أنا لسه بمتلك النصف فهي جريت وراحت وعملت مبيعات لكل الممتلكات اللي انا حاططها باسمها لأولادها وهكمل في القضايا هناك وهنا”
وانهى حديثه قائلًا: “أنا جبت لها 3 فيلات أول فيلا في جمعية أحمد عرابي وتاني فيلا في العين السخنة وتالت فيلا في شبرامنت”.
وأكد طليق الفنانة علا غانم بالمؤتمر الصحفي عن كون الحياة معها طوال السنوات الماضية كانت لا تحتمل وعلى حد قوله “زي الهم على القلب”، كما تحدث عن مفاجئته كونها كانت تخطط للانتقام منه منذ سنوات.
وقام بتوجيه رسالة لها قائلًا: “اتق الله واتق الشر وكفاية اللي أخدتيه مني”، وعرض على “علا غانم” جلسوهما معًا للتفاوض وحصول كلًا منهما على حقوقه.
اقرأ أيضًا:-
فئات مش هتدفع فاتورة الأرضي تاني بقرار من المصرية للاتصالات..اعرف التفاصيل
سعر الدولار في البنوك المصرية اليوم السبت 23 سبتمبر
دليلة.. قصة فيلم خيالي صدقه الجمهور العربي والعدوان الثلاثي أعاق عرضه
