قالت الفنانة ناهد السباعي إنه ليس لديها أي مانع أن تتزوج من شخص مسيحي الديانة، على الرغم من كونها مسلمة.
وتابعت السباعي،إننا كلنا بنعبد رب واحد وكلنا أديان إبراهيمية، ممكن اللي أنا شايفاه يبقى غلط وحرام، وأنا مش ضد الجواز من حد مسيحي».
واستكملت ناهد السباعي حديثها: «لو حبيت حد يهودي هتجوزه برضو عادي، نفس موقفي من المسيحي هوافق ولكن إسرائيلي لأ طبعا.. أنا بحب المراسم الدينية في الجواز، ومبحبش المراسم المدنية، وبحب المراسم في الجوامع وبحب شكل الأفراح في لبنان، شفت زفة فيها أجراس وأذان، ولكن لو حاجة حرام مقدرش أعملها».
وأضافت ناهد السباعي: «عشان تبقي مؤمنة لازم تبقي مؤمنة بأديان ربنا كلها، يعني أولادي يكونوا مؤمنين بالتلات أديان، وهعلمهم الطقوس الإسلامية، أنا تعليم مدارس راهبات، اللي هيدخل الجنة في الآخر هو المؤمن».
ناهد السباعي تكشف عن تجميد بويضاتها
ومن جهة أخري، كشفت الفنانة ناهد السباعي، عن تجميد بويضاتها بطلب من والدتها المنتجة ناهد فريد شوقي، قائلة: طبيعي كان نفسي أكون أم، وجمدت بويضاتي بـ طلب من والدتي، وكان لازم أجمد بويضاتي علشان مكونش متسرعة في اختيار شريك يكون معايا أضطر أخلف، واختار شريك حياتي بشكل أحسن، ومكونش خايفة من المستقبل، وأريح والدتي وأختي، وعلشان يكون اختياري سليم ونفسي يكون أولادي شبه والدهم.
أغرب المعاكسات التي تلقتها ناهد السباعي
أما عن أغرب المعاكسات التي تلقتها ناهد السباعي، فقالت: على طول بضحك لما بتعاكس، وكنت عاملة مشهد في فيلم إكس لارج، والناس حافظة كلام المشهد وبقوا يقولولي أنا بحب البوس أوي وعندي 4 حسنات في ضهري، إيه دا ليه حد يقول كده، دي من أغرب الحاجات اللي بسمعها وبضحك أوي عليها ودا لما مشهد ينجح.
اقرأ أيضاً:-
نور اللبنانية تجسد استشاري العلاقات الزوجية في مسلسل الكبير أوي 7