***************************
وينفلت من بين إيدينا الزمان
كأنه سَحبة قوس فى أوتار كمان
وتنفطر ليّام.. عقود كهرمان
يتفرفط النور.. والحنان.. والأمان
وينفلت من بين إيدينا الزمان
***
الشر.. شرَّق وغرَّب.. داخل لحوشنا
حوشوا.. لا ريح شاردة تقشقش عشوشنا
حوشوا.. شرارة تطيش.. تشقق عروشنا
وتغشنا المرايات.. تشوش وشوشنا
وتهيل تراب ع الهالة والهيلمان
وينفلت من بين إيدينا الزمان
***
الغش طرطش.. رش ع الوش بُوية
ما دريتش مين بلياتشو.. أو مين رزين
شاب الزمان.. وشقيقى مش شكل أبويا
شاهت وشوشنا.. تهنا بين شين وزين
ولسه ياما وياما ح نشوف كمان
وينفلت من بين إيدينا الزمان
=======================
نهاية مسلسل أرابيسك
**********************
ويرفرف العمر الجميل الحنون
ويفر و يفرفر فرفة قانون
وندور نلف ما بين حقيقة وظنون
وبين قسى هفهاف
وهفة جنون
دنياك سكك حافظ على مسلكك
وامسك فنفسك لا العلل تمسكك
وتقع فخيه تملكك تهلكك
اهلك يا تهلك
دنتا بالناس تكون
ويرفرف العمر الجميل الحنون
ان درت ضهرك للزمن يتركك
لكن سنابك مهرته تفركك
وإن درت وشك للحياة تسبكك
والخير يجيك بالكوم وهمك يهون
ويرفرف العمر الجميل الحنون
***********************
المسلسل تأليف : أسامه أنور عكاشةموسيقه : عمار الشريعي
غناء التتر : حسن فؤاد
اشعار : سيد حجاب
انتاج سنه: 1994