“الباص الكهربائي السريع” مش هتتخنق في الزحمة تاني

في نظام مواصلات جديد بيتعمل اسمه Cairo BRT، او لاتوبيس الترددي السريع ، النظام ده مكون من ٤ خطوط رئيسية.

الأول: هو الخط الأبيض، مساره على الدائري

الثاني: هو الخط الأزرق، مساره على الأوتوستراد

الثالث: الأخضر خط سيره من الرماية لحد حدائق أكتوبر

والرابع: الأحمر خط سيره من الجيزة للرماية

الخط الأبيض فيه ٤٩ محطة على الدائري، وهيخدم ب١٠٠ حافلة. الحاجة المميزة هي إن الحافلات دي هتتصنع في مصر بالتحديد في مدينة صناعة الأتوبيسات MCV، اللي هي مورد اتوبيسات النقل في لندن.

المطلوب من الخطة دي هو إنها تقفل موضوع الميكروباصات على الدائري وتعتمد على الـ BRT بشكل كامل. وهناك محطة مترو جديدة هتتم تشغيلها قريب فوق الدائري، عشان تربط بين الباصات السريعة دي والمترو وغيره من وسائل النقل العام.