صرحت الفنانة ياسمين صبري عن رأيها عن النجمة الشهيرة كيم كارداشيان، قائلة إنها “نموذج سيء”.
ياسمين صبري: كيم كاردشيان نموذج سئ
وقالت ياسمين صبري خلال حديثها ببرنامج “الحكاية” على قناة “إم بي سي مصر”، إن كيم كارداشيان بتشتغل سيدة أعمال، وهنقعد نسأل هي بتشتغل إيه وهي داخلة على ثروة 2 مليار!”.
وأضافت “هي ست بتحط نقط ومميزات الجمال في العالم على اللي هي بتعمله، وهي المقياس والميزان في الموضة والجمال”.
وتابعت ياسمين قائلة “أنا شايفة أنها عرفت تستخدم مشاكلها صح، هي بتمسك التراب تخليه ذهب، لكن ده نموذج سيئ، والفلوس ممكن تتعمل بطرق كتير”.
التشابه بين ياسمين صبري وكيم كارداشيان
وعن مقارنتها بكيم كارداشيان، علقت ياسمين صبري: “مفيش أي رابط أو شبه بيننا، خاصة أنها لا تعمل بالفن، وإحنا مشكلتنا في عالمنا العربي إننا شايفين نفسنا رقم 2 مش 1 شايفين نفسنا مستوى تاني مش أول، إحنا أحسن من أي حد ولازم نحب نفسنا ونشوف الحاجات الحلوة اللي فينا عندنا مميزات كتير أحسن من برة”.
و عن تقليدها جورجينا
وقالت لما نسب لها بأنها تقلد جورجينا صديقة لاعب النصر السعودي كريستيانو رونالدو، قالت ياسمين “يمكن عشان نفس ألوانها، لكن عندنا مشكلة كعرب أننا بنمجد في الشيء الأجنبي والعربي رقم 2″، وأكدت أنها لا تقوم بتقليد المشاهير.
اقرأ أيضًا:-
روي فيتوريا يعلن قائمة منتخب مصر النهائية لمباراتى زامبيا والجزائر
الكلب “لابشا” صاحب أطول أنف في الكلاب