رحب الرئيس عبد الفتاح السيسي بالحاضرين في جلسات مؤتمر “حكاية وطن “ بفندق الماسة بالعاصمة الجديدة، وقال: ”اليوم نحكي حكاية مصر منذ 2011 حتى اليوم”.
وأضاف الرئيس السيسي، خلال جلسات مؤتمر “حكاية وطن” بالعاصمة الجديدة: “إننا نتحدث الآن من منظور الدولة ومدى التحديات التي مرت بها من مخاطر خلال السنوات الماضية لهدف التذكرة”.
وأضاف “السيسي”، في كلمة له مع بداية المؤتمر: “كان في حوار وطني أطلقناه من السنة اللي فاتت، وقلونا هنسمع بعض، والنهادره هنحكي حكاية مصر، لأنه مهم تعرفوا التحديات اللي كانت بتقابلها، واللي كانت كفايلة تنهي دول مقدرتش تقف على حالها لحد دلوقتي”.
وتابع: “أنا بكرر الكلام ده كتير.. فالنالس تقول بتكرر الكلام ده كتير ليه؟.. للتذكرة، علشان قدام ربنا أقوله قولت وكررت بدل المرة 100 مرة، لأن البلد مش بتكبر كده، ولكن بتكبر وتنمو بعمل وشقى وتضحية وإخلاص وأمانة مش كلام”.
وعلق الرئيس عبد الفتاح السيسي، على العرض الذي قدمه الدكتور مصطفى مدبولي، رئيس مجلس الوزراء، خلال مؤتمر “حكاية وطن”، والذي استعرض خلاله الإنجازات التي حققتها الدولة المصرية منذ عام 2014 إلى عام 2023.
وقال “السيسي”، خلال كلمته بمؤتمر حكاية وطن بين الرؤية والإنجاز: ” : ده اللي احنا عملاناه وعندكم فرصة للتغيير في الانتخابات اللي جاية”، متابعًا: ” ممكن السياسيين يقولوا هل فيه رئيس يقول عندكم فرصة للتغيير في الانتخابات؟.. آه أنا بقول.. قل اللهم مالك الملك تؤتي الملك من تشاء وتنزع الملك ممن تشاء”.
وأضاف الرئيس السيسي: أنا هتكلم عن مشروع قناة السويس بس.. واللي كنا بنعمله واحنا مش بس بنواجه إرهاب، لا.. كنا بنعمل في ظل أبواق كاذبة وافتراء وشائعات تقدح في كل مسار نتخذه.. احنا مش محل تقدير من ناسك اللي بتعمل علشان ربنا وعاشنهم وبيتم الإساءة لك.. لكن لا بأس ، لأانه مفيش حاجه بتروح عند ربنا، وكل كلمة كدب ليها أجر.. ده إذا كنا بنؤمن بالله اللي هيحاسب ولا يغفل ولا ينام”.
وشدد الرئيس السيسي: “الأمة لا تبنى على الشك، ولا تبنى على الهدم والتشكيك والخراب، وإنما على العمل والصدق والأمانة”.
وقال الرئيس عبد الفتاح السيسي، في حديثته عن قناة السويس، إن الدكتور أشرف سيلمان كان وزير الاستثمار وقت إنشاء قناة السويس الجديدة قال إحنا نخلى بالنا إن إحنا عاوزين نعمله باقتصاديات، قولتله عاوز أدى الأمل للناس، وقولت هنعلن فتح باب المساهمة في إنشاء القناة بـ12% فايدة وكانت الفائدة 10.5%، وأكمل الرئيس: “يا كامل يا وزير ربنا يكرمك ده ما كانش يتعمل أبدا في سنة أبدا أبدا والبانى طالع، ولم نكن ننظر إلى العائد المادى.
وتابع: “64 مليارا كانت عوائد الحكومة هتدفعها وهتبقى عبئا على الحكومة وبقى في التزام عليا كدولة إنى أدرجع الأرباح للناس لكن كان العائد المعنوى في جموع المصريين كان دخل القناة من 4 إلى 4.5 إحنا النهاردة لما اتعملت قناة السوبيس النهاردة بنقفل الـ10 و10.5 السنة القادمة.
ووجه الرئيس السيسي رسالة للمصرين حول التنمية والمشروعات التي تنجزها الدولة المصرية، قائلا: “لو كانت التنمية والتقدم تمنها الجوع والحرمان أوعى يا مصريين متتقدموش”.
#حكاية_وطن
اقرأ أيضاً:-
وزراء وسياسيون وشباب وإعلاميون يشاركون فى مؤتمر حكاية وطن بين الرؤية والإنجاز