تصدر الفنان أحمد آدم والفنان تامر حسني محركات البحث خصوصاً بعد هحوم الفنان أحمد آدم خلال برنامجه الذي عاد إليه مؤخراً “بني آدم شو”.
سخرية أحمد آدم من تامر حسني
وكان أحمد آدم قد هاجم تامر حسني مؤخرًا، حيث قال خلال برنامجه آدم شو: تامر حسني مين مش واخد بالي، مش كفاية عليك كده بقى والا ايه، أول ما طلع طلعلنا شعر صدره وقعد يمصمص في شفايفه ويسبّل للبنات.
وأكمل أحمد آدم: وبيقدم شوية أغاني تعبانة ويعني إيه أكتر حاجة بحبها فيكي، طيبة قلبك، إسفاف، وأفلامه وحشة جدا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟.. كفاية عليك كده.
رد الفنان تامر حسني
رد الفنان تامر حسني على هجوم الفنان أحمد آدم خلال برنامجه بني آدم شو، مؤكدًا أن الأخير كان يقدم نموذجاً للتريند بشكل عام، واصفاً إياه بأنه “جنن عقول بعض الناس في العصر الحالي”.
وكتب تامر حسني منشورًا عبر حسابه الشخصي بموقع تبادل الصور والفيديوهات القصيرة انستجرام، حيث قال: أستاذ أحمد آدم فعلا بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم وأمانتهم، لمجرد إن الناس تعرفهم أو تتكلم عليهم.
وتابع تامر حسني: ولو ليوم واحد ونسيوا أنه لا يصح إلا الصحيح عشان ده عدل ربنا، وأي أفاقين مع الوقت هتلاقيهم بيختفوا والمحترم الحقيقي هو اللي بيستمر أصل لما نهتم ونرد على كل كداب أمال اللي بيحبونا نعمل معاهم إيه !!!!؟.
وأضاف تامر حسني: الحقيقة أن فعلا الكلام السلبي هو اللي انتشر شكرا أستاذ احمد آدم لكلامك وإشادتك الحقيقية في حقي هي شهادة عظيمة من فنان محترم وكبير بفنه وأخلاقه.
اقرأ أيضاً:-
حلا شيحة تحذف صورها من الانستجرام.. ومفجأة حول انفصالها من معز مسعود
داخلين علي أيام سودا موضة غريبة “جاكيت أو بلوزة بدون بنطلون”