أصبحت الفنانة رحمة أحمد “مربوحة” حديث السوشيال ميديا ولكن هذه المرة بموجة انتقادات قوية موجهه لها عبر مواقع التواصل الاجتماعي بالرغم من أن المسلسل في بدايته داخل الماراثون الرمضاني 2023 وانتقد البعض أداؤها ووصفوه بأنه مصطنع ومبالغ فيه، وأشاروا إلى عدم صلاحيتها للدور والمشاركة من الأساس في مسلسل “الكبير”.
كان اللافت للنظر وجود عدة منشورات متطابقة ومكررة في عدد من الجروبات والصفحات على مواقع التواصل الإجتماعي وبها انتقادات لاذعة موجهة للفنانة رحمة أحمد، لكن الواضح أن الأمر ما هو إلا مجرد حملة مقصودة ضدها بعد التطابق الشديد في البوستات بهدف الهجوم عليها.
ولا شك أن هذا الهجوم أثار العديد من التساؤلات حول سبب هذه الانتقادات، هل هي حملة ممنهجة فعلا أم أن السيناريو أصبح ضعيفا ولا يضحك الجمهور؟
تعليق عمرو أديب على الهجوم الموجه لرحمة
علق الإعلامي عمرو أديب، على الهجوم الكبير على الفنانة رحمة أحمد، بعد عرض أولى حلقات مسلسل الكبير الجزء السابع، والذي يعرض في شهر رمضان، قائلًا: “الناس اللي بتهاجم مربوحة في حد بيقتل حد كده؟ دا لايمكن يبقى شيء طبيعي”.
وقال “عمرو أديب” خلال تقديمه برنامجه : “أنا معرفش رحمة ولا عمري شوفتها، ولا المسلسل دا تبع القناة بتاعتنا، لكن ازاي الهجوم دا كله عليها هي لحقت دي عملت حلقتين فقط، وبعدين ازاي الهجوم كده، مهي السنة اللي فاتت كانت أعظم حاجه، والسنة دي ملحقتش تعمل أي حاجه”.
وتابع: “عرفنا أن في لجان معمولة على مربوحة، طب إزاي دي ممثلة صغيرة متستحملش إنها تتقتل لمجرد حلقتين، ويتقال بقت بايخة أو مبتضحكش طيب يا جماعة مهو في كاتب ومش مسؤوليتها لوحدها”، موضحًا: “أرحموا الناس يا جماعة، وإذا كان في لجان وراء البنت هتبان مين وراها واللي يعمل كده يبقى إنسان حقير”.
وأضاف: “المنافسة في الفن بالشكل دا لو صحت تبقى شيء حقير إننا نستخدم لجان عشان نخلص على حد، طب حط نفسك مكان البنت في تاني مسلسل لها تفتح تلاقي هجوم كأنها قامت بجريمة أخلاقية”، مضيفًا: “عايز الناس المحترمة تقف جنب الناس اللي بتبدأ حياتها، وإحنا ياما وقفنا مع ناس واخدنا بايديهم ومش عايز أقول اسامي 20 اسم كانوا بيتداسوا ولكن كان في سندة مننا”.
وأكد: “ارفعوا إيديكم عن مربوحة لو في نقد فني تمام إنما دبح بالشكل دا لا، لأن في فنانين كتير ليهم شكل بيكملوا عليه كتير أوي، لكن تتعمل لجان على بنت صغيرة زي دي ايه الهدف يعني”.
اقرأ أيضاً:-
زيادة في أسعار السجائر والمعسل
حكم لصالح زينة و توأمها.. إلزام أحمد عز بدفع 22 ألف جنيه إسترليني
محكمة القاهرة الاقتصادية تحكم بتغريم شيرين عبد الوهاب 5 ملايين جنيه لصالح شركة روتانا