من مئات السنين والحرب البيولوجية بيستخدموها الطغاة واحنا مش عارفين..
يعني كورونا ومتحاورتها ما هي الا نوع جديد ومتطور من الحرب القذرة دي..
والدليل لما استخدمها القائد البريطاني جفري اهرست، بهدف استعمار أجزاء من جنوب القارة الأميريكية..وهقلكم حالاً إزاي مع التفاصيل..
شخصيتنا النهارده صنفت من أسوأ وأقذر الشخصيات في تاريخ البشرية، وده لأنه استخدم حربه البيولوجية بمنتهى الخبث والدهاء ضد الهنود الحمر البؤساء الي استقبلوه بكل الحب والحفاوة وأعطوه كمان هدايا من الدهب/ لأنهم كانوا معتقدين انه طوق نجاتهم في حربهم السياسية.. أصله وهمهم بكده..
نفز اهرست خديعته ليهم لما بادلهم الهدايا ببطاطين سلمها ليهم/ كانت معزولة في دواليب اسفل السفينة إلي جه بيها/ استقبلوها المسكين بسعادة وامتنان/ البطاطين دي بئا كانت موبوءة بالجدري/ وغادر هو القارة وساب ليهم مرض فتاك خلص على نحو 15 مليون هندي/ وبكده ارتكب جفري أول حرب بيولوجية في التاريخ..
رواية أشبه بالأساطير الملحمية، حدثت وقائعها عام 1710/ بتبين أسوأ صور الخزلان/ لشعب بائس وضع ثقته في قائد/ وماكانوش يعرفوا انه هو هلاكهم/ وما اكتفاش بكده بس/ بل أمر بعمليات إبادة جماعية ليهم استمرت لاكتر من 150 عام أسفرت عن إبادة أكتر من 80 مليون هندي من سكان البلد الأصليين/ وفيه مؤرخين كتير بيقولوا إن عدد الضحايا اكتر من كده بكتير..
ما لقتش مصطلح يوصف الي حصل للهند الحمر، لأن كلمة مأساة مش حتفي بالغرض.. يعني إيه لما مجرم يبيد صاحب الحق ويحل محله…يعني إيه ينسف تاريخه وحضارته بمنتهى البشاعة والظلم واللا ادمية..إنها قمة المأساة وقعت على ناس مسالمين ما بيستخدموش أي سلاح وميعرفوش يعني ايه عداوة…عيشهم وطبعهم البساطة…استغلوا سذاجتهم..وكانت النتيجة ذبحهم وقتلهم وسلب أرضهم..