العرسة اللي انقذت المصريين من الموت
مش هتكلم عن العرسة كتير لاننا كلنا عارفينها طبعا ،وانت ماشي في امان الله في الشارع تسمع صوت غريب شبه الصفارة كده وتلاقي حاجة بني بتجري تحت العربيات😁
المهم يا سيدي الطاعون لما وصل مصر ربنا يعافينا جميعا طبعا قتل الملايين يعني في احصائية بتقول ان تعداد المصريين كان في عام 1346 كان حوالي ٨ مليون عارف في 1805 بقى كام؟؟
المفروض يزيد طبعا ولكنه بقى 3 مليون بني ادم بس🥲
القصة بتقول ان محمد علي باشا سأل الاطباء عن طريقة انتقال الطاعون فاخبروه ان الطاعون بيتنقل عن طريق الفئران والبراغيت اللي بتعيش على فراء الفئران وطبعا ما اكتر الفيران عندنا
وعرف محمد علي باشا ان العدو الأول للفئران هي مين؟ العرسة الجميلة لدرجة ان الفأر بيخاف منها اكتر ما بيخاف من القطة،
وعرف ان العرسة دي منتشرة جدا في صحراء سيناء فأمر بجلب اعداد كبيرة واطلاقها في مختلف انحاء مصر وخاصة مدن الدلتا
العرسة قتلت الكثير من الفئران وساعدت بشكل كبير جدا انها تنهي وجود الطاعون في مصر ،
طبعا اغلبنا سمع برده ان العرسة دايما بتسرق الدهب والفضة ولو وصلت للجحر بتاعها غالبا هتلاقي بعض المسروقات و المجوهرات
وفي اساطير كتير وقصص كتير عنها زي انها بتطرد الارواح الشريرة والجن وهتلاقي اكتر القصص بتتحكي لحد دلوقتي في المناطق الشعبية ،
ياريت من النهاردة نحب العرسة ونشيد بفضلها علينا 🙈
بس كدة،😍