الاسفاف يؤدي الي الكباريه !!!
طلباتك ؟؟!!
تطهير الجامعه !!
من ايه ؟؟
من كل الاشياء .. جمعاااء
** انت مش عايش في عصرنا يا استاذ
دي نص فرق الرقص بتاعة الدولة شباب وبنات جامعيين
انتوا مبتقروش جرايد ( فريدة فهمي جامعية وابوها استاذ جامعي )
دي حاجة ودي حاجة !!!
يقصد اني امي عالمه من شارع محمد علي واني باكل عيش من الرقص والافراح
انا لو كانت امي فرّانة كنت هرجع من الكلية علي الفرن
لو بتاعة سجاير كنت هقف مكانها تلات اربع ساعات عشان اريحها . ده شرف كبير ان الواحد يساعد امه وابوه في الصنعه بتاعته !
باسم شباب الجامعة اللي نظم هذا المؤتمر اتحدي حد يقدر يحددلي تهمة زينب عبد الكريم او يقولي ايه ذنبها ؟
انا اقولكوا ايه ذنبها .. زينب ماشيه شاليه وصمه نعيمه الماظيه أمها ، ونعيمه الماظيه شايله وصمه الشارع اللي هي منه، والشارع المسكين شايل وصمه زمن راح وانقضي ..
بس زووو ملهاش اي ذنب ! ( طالب من الطلاب يتحدث )
[زوزو تتحدث] … لا ليها ذنب وذنبها انها اخفت حقيقتها خوفا من الاضطهاد فكانت هي اول واحده تضطهد نفسها
(زوزو الطالبه المثالية تضطهد زوزو الماظيه)
… لو سمحتي يا آنسة احترمي عقولنا .. (محيي اسماعيل)
ليه كلنا ولاد نعيمه الماظيه ؟؟؟
للاسف كلنا ولاد نعيمه الماظيه ولاد البيئة اللي الدنيا اتقدمت وسابتنا وراها وكل ما نعافر علشان نقوم بتتقل علينا الحمول ونحط في الارض تاني ونبقي محتارين نكره نفسنا ولا نكره العالم حوالينا
طب والحل ايه ؟؟
الحل ان كل واحد يعرف حقيقته كويس ما يبصش هو اصله ايه والا حاله دلوقتي ايه يبص لقدام دايما لقدام ويشوف نفسه رايح علي فين .
(( علشان كده انا جيت اشوف مستقبلي ))
– اعقد ان الانسانة اللي ليها العقلية دي الجامعة كلها تعتز بيها وانا اسف علي الكلام اللي قلته ضدها ” جمعاء “
حوار عبقري من فيلم ( خلي بالك من زوزو )
للرائع صلاح جاهين واخراج حسن الامام