-لا لا الجنازة دي مش من مقامي هو انا عملت ايه يعني ؟! ده غيري عمل اللي ما يعمل واندفن بزفة ومزيكا وتشريفة !
=بابا يعني انت كنت عايزنا نعمل ايه ؟! نجيبلك ناس بالعافية ؟!
-فين أصحابكم يمشوا ورايا ؟! فين شلة النادي والديسكو ؟! فين أعضاء الجمعيات بتاعتك يا ست فوقية ؟! ملكوش خاطر عند حد ؟!! طب وحياة أمي ما هتدفن !
*يا رأفت انت هتفرج علينا الناس ؟! هو يعني هتقرفنا وانت عايش وكمان انت ميت ؟! اتفضل على القرافة من سكات !!
-لا
*يعني ايه لا ؟! هو احنا فاضيينلك ، ما تروح تشوفلك تربة تتدفن فيها !
–ايه فيه ايه ؟!
*الاستاذ ميت ومش عايز يتدفن
–حضرتك تقربيله ايه ؟
-مراتي
*أرملتك يا بجح
-معاكي شهادة وفاته ؟
=ايوا اتفضل أهي
–ما انت ورقك سليم اهو امال ايه وجه اعتراضك ؟!
-الاحتجاج ، انا بسجل احتجاجي ان الجنازة دي لا تليق بيا !