سناء جميل سيدة الدراما المصرية

مكنش عندها امكانيات جسدية ملفتة زي هند رستم ولا جمال صارخ زي زبيده ثروت ولا دلع زي شادية ولا ملامح بريئة زي فاتن حمامة ولا شقاوة زي سعاد حسني ولكنها كانت تملك امكانيات تمثيلية جبارة وقدرة رهيبة علي التنوع فالادوار ..كوميدي- تراجيدي- فلاحة -صعيدية – معلمة -هانم ارستقراطية- ضعيفة – قوية- طيبة- شـ ـريرة .. كله تلاقي حفرت في الصخر بأدوار متميزة ومختلفة وسابت بصمتها في كل عمل شاركت فيه لها أسلوبها ومدرستها الخاصه ممثلة مختلفه وغير نمطيه وأدائها غير متوقع
انها الفنانة المعجونة بالابداع سناء جميل ❤
قمة من قمم فن التمثيل علي مستوي الوطن العربى

اسمها الاصلي ثريا يوسف عطا الله اختار ليها زكى طليمات اسمها الفني سناء جميل اتجوزت من الكاتب الصحفي الكبير لويس جريس فى الستينات  وترحل متأثرة بسرطان المعدة ٢٠٠٢