سيف جعفر نجم مستقبل الكورة المصرية

سيف جعفر فى مباراه الزمالك السابقة كان هو اكسجين الزمالك فى وسط الملعب كان هو المتنفس الوحيد للفريق فى الخروج بالكوره من الحاله الدفاعيه للحاله الهجوميه
سيف كان اعلي واكتر لاعب بيعمل ضغط عالخصم مش بيحلق من بعيد حتى الهدف الاول لينا بتاع سيف كان بسبب الضغط اللى سيف عمله علي لاعب الترجى لحظه استلامه للكره وقطعها وراح بالكوره وحطها لزيزو وكمل واخد وضعيه ممتازه داخل ال18 ولما زيزو حطهاله بالعرض كان اخد قرار التصويب
سيف كان اللاعب الاميز فى الفريق فى الشوط الاول وكان بيهين نفسه وبيعمل مجهود بدنى جبار وكان عنده روح وحميه انتقلت لزملائه فى الملعب
سيف مكسب كبير لوسط ملعب الزمالك محتاج يهتم بالبدنى بتاعه اكتر من كده عشان يقدر يكمل ال90 دقيقه وهو واقف علي رجليه ومحتاج يهدأ بعض الشئ وميبقاش عنده تسرع
خاصه انه مميز جدا فى الزياده عالمرمى وبيقدر يتحرك ما بين الخطوط بشكل ممتاز ودى هيكتسبه مع استمراريه اللعب ومع الخبرات
سيف هيكون مكسب عظيم للزمالك فى المستقبل خاصه انه من مواليد ميت عقبه بغض النظر عن ابوه وعارف قيمه وعظمه الزمالك وكمان الاستايل بتاعه اصبح نادر فى الكره المصريه