بعد جواز عمرو دياب بشيرين رضا بـ سنة ، قرر عمرو يعمل أغنية يوثق بيها قصة حبهم وعشان تكتمل الحالة الرومانسية عمل كام فكرة كدا ..
اولهم انه هو اللي لحن الأغنية بنفسه والكليب صوره في بيته هو و شيرين وشيرين نفسها هي اللي هتكون بطلة الكليب معاه .. و بالفعل سنة 1990 اتعرض الكليب اللطيف و غنى عمرو و قال :
” مهما أشوف في الكون ملايكة مش هكون غير بس ليكي .. مستحيل أنا أتوه في سكة فيها في الآخر عينيكي
ده قدري ومكتوبي إنتي وعشقي ومحبوبي إنتي
متخافيش أنا مش ناسيكي ، متخافيش لو مين ناداني
مش هعيش من غير عينيكي ، مش هعيش مع حب ثاني ”
و في اخر الاغنية اكد عمرو على اخر كوبلية و كرره كذا مرة و قال : ” مش هعيش مع حب تاني ، تاني ، تاني ، تاني “