– أنا مش قادرة اتصور اني هحرمك من الخلفة…
= تحرميني من ايه يا عبيـ ـطة ؟! … هو انتي بتصدقي في كلام الدكاترة محدش بيدخل في علم الغيب ، ربنا اذا أراد لنا بالخلفة هنخلف…
– عشان خاطري يا اخويا روح اتجوز…
= إيه ؟! .. بتقولي ايه يا سميحة ؟! ..
– أنا مش هزعل بالعكس كدة قلبي هيرتاح ، و مش كدة و بس انا كمان اللي هدورلك عليها…
= إخـ ـص عليكي يا سميحة..للدرجة دي فكراني نـ ـدل و قليل الاصل ؟! .. أنا آجي مع الزمن عليكي و أجيبلك ضرة و اقهرك ؟! … بلاش الحب..العِشرة و العهد اللي بيننا ؟! …
قَدَري ان انا اعوذ بالله نسيت دة كله ؛ انسى ازاي فضل المرحوم ابوكي و جمايله اللي في رقبتي ؟! … ده الراجل اللي علمني الصنعة و خلاني بني آدم و اداني بنته و استأمني على كل حاجة و قالي سميحة و اخوها امانة في رقبتك يا فرج …جاية دلوقتي تقوليلي اخـ ـون الأمانة و انسى الفضل ؟! …هي دي نظرتك فيا ؟ ! … عاوزاني استنـ ـدل من اول امتحان ؟! …
– لا دي مش نـ ـدالة يا فرج ، دي سُنة الحياة ربنا قال المال و البنون…
= وقال كمان الباقيات الصالحات ! …
صلاح قابيل – مديحة حمدي | الحب و أشياء أخرى | 1986
تأليف أسامة أنور عكاشة إخراج أنعام محمد علي