كل فترة يظهر موجة الهجوم و التقليل من نجومية نجم لن يتكرر في تاريخ السينما .
مرة تلاقي واحد يقولك دة نجاح الموجي افضل من عادل امام .
و مرة تلاقي اللي بيقولك عادل امام قضى على محمد الشرقاوي .
و مرة تلاقي اللي بيقولك عادل امام لابس باروكة .
و مرة عادل امام اصلا مش ممثل .
هو نجومية الراجل بجد عاملة صداع في دماغ بعض الناس لية ؟
الراجل دة بالورقة والقلم عمل اللي محدش لا قدر و لا هيقدر يعمله .
دة كان زمن و راح لحاله . زمن عادل امام .
الراجل دة وصل لدرجة من النجومية انه عمل لجنة لقراءة كل السيناريوهات المعروضة عليه لاختيار افضلهم .
الراجل دة كان بيتم استقباله استقبال الملوك و رؤساء الجمهورية برة مصر .
الراجل دة تم تكريمه من كل العالم العربي . أفلامه اتعرضت عرض تجاري في إيطاليا و فرنسا و هولندا.
الراجل دة وقف جنب جيل هنيدي كله في بداياتهم .
الراجل دة تختلف او تتفق مع مضمون أفلامه لكن اللي ينكر تأثيره يبقى شخص جاهل .
اللي ينكر موهبته يبقى شخص لا يفقه شيء فنيا .
اللي ينكر كاريزما و سطوة شخصيتة فنيا يبقى ظالم .
خلاص بقا كله نقاد و فاهمين نقد و درسوا دراما و حرفية تمثيل ؟
اية العك دة .
بلاش تشككوا في موهبة اتفق عليها العرب جميعا بعد ان اختلفوا في كل شيء .